Bilasiz, FIFA bilan hamkorlikda Toshkent viloyatida O‘zbekiston terma jamoalari markazi tashkil etilmoqda. Ayni kunga qadar markazning asosiy maydoni foydalanishga topshirilgan bo‘lib, unda bir qancha xalqaro o‘rtoqlik uchrashuvlari va turli yosh toifasidagi jamoalarimizning mashg‘ulotlari o‘tkazib kelinmoqda.

Bugunga kelib markazdagi foydalanishga shay bo‘lgan ob’ektlar soni kengaydi. Xususan, 4 ta maydon, 2 ta jamoa yashashi uchun sharoit va restoran zamonaviy standartlar asosida tayyor holatga keltirildi.

Asker Xalmuratov boshqaruvidagi O‘zbekiston U-17 jamoasi Markazda yig‘in boshladi. Shu munosabat bilan O‘FA rahbariyati, futbolimiz faxriylari bu yerdagi sharoitlar bilan tanishib, yosh futbolchilar bilan uchrashishdi.

Suhbat davomida mazkur Markaz uzoq yillar davomida O‘zbekiston terma jamoalariga xizmat qilishi hamda undan ko‘plab iqtidorli futbolchilar yetishib chiqishiga tilak bildirildi.