"Manchester Siti" bosh murabbiyi Pep Gvardiola yaqin orada mavsumning qolgan qismida ijara asosida "Vest Xem"ga o‘tishi e’lon qilinadigan yarim himoyachi Kalvin Fillipsning kelajagi haqida gapirdi.

“Nega u qaytib kela olmaydi? Qanchalik xato qilganimni tushunishim uchun u o‘zini isbotlashi kerak. U har bir mashg‘ulotda ham, maydonga tushgan paytlarida ham bizga yordam berdi. U ajoyib yigit. Xo‘sh, nega shunday emas?" - deya Gvardiolaning so‘zlaridan iqtibos keltiradi jurnalist Fabrisio Romano ijtimoiy tarmoqda.

Joriy mavsumda Fillips barcha musobaqalarda bor-yo‘g‘i 319 daqiqa o‘ynadi va bitta gol urdi.