Yurgen Klopp qo‘l ostidagi "Liverpul" Premyer-liganing boshqa top klublariga qaraganda transferlarga kamroq mablag‘ sarfladi.

Nemis mutaxassisi “qizillar”ni 2015 yilning oktyabrida qabul qilib olgandi. Daily Mail hisob-kitoblariga ko‘ra, klub bu vaqt ichida 807 million funt sterling sarflagan. Agar klub sotib yuborgan transferlarni hisobga olsak, qoldiq - 254 million funtni tashkil qiladi.

Katta oltilikda hech kim yillar davomida bunchalik kam mablag‘ sarflamagan. “Manchester Siti” yangi kelganlar uchun 1,28 milliard funt (yo‘qotish – 692,3 million), “Manchester Yunayted” – 1,17 milliard (888 million), “Chelsi” – 1,79 milliard (835,7 million), “Arsenal” – 1,02 milliard (696,2 million), “Tottenxem” – 863,4 million (484 million) to‘lagan.

Klopp “Liverpul”dagi faoliyati davomida APL, Angliya kubogi, Liga kubogi, Angliya Superkubogi, Chempionlar ligasi, Yevropa Superkubogi va klublar o‘rtasidagi jahon chempionatida g‘olib chiqqan.