Юрген Клопп қўл остидаги "Ливерпуль" Премьер-лиганинг бошқа топ клубларига қараганда трансферларга камроқ маблағ сарфлади.
Немис мутахассиси “қизиллар”ни 2015 йилнинг октябрида қабул қилиб олганди. Daily Mail ҳисоб-китобларига кўра, клуб бу вақт ичида 807 миллион фунт стерлинг сарфлаган. Агар клуб сотиб юборган трансферларни ҳисобга олсак, қолдиқ - 254 миллион фунтни ташкил қилади.
Катта олтиликда ҳеч ким йиллар давомида бунчалик кам маблағ сарфламаган. “Манчестер Сити” янги келганлар учун 1,28 миллиард фунт (йўқотиш – 692,3 миллион), “Манчестер Юнайтед” – 1,17 миллиард (888 миллион), “Челси” – 1,79 миллиард (835,7 миллион), “Арсенал” – 1,02 миллиард (696,2 миллион), “Тоттенхэм” – 863,4 миллион (484 миллион) тўлаган.
Клопп “Ливерпуль”даги фаолияти давомида АПЛ, Англия кубоги, Лига кубоги, Англия Суперкубоги, Чемпионлар лигаси, Европа Суперкубоги ва клублар ўртасидаги жаҳон чемпионатида ғолиб чиққан.
