«Manchester Yunayted»ning sobiq futbolchisi Rio Ferdinand Aleks Fergyuson davrida klub Ronaldinyoni olib kelishga urinib, keyin Ronalduni olib kelganini aytgan edi.
Ferdinandning so‘zlariga ko‘ra, Aleks Fergyuson Ronaldinyoni qo‘lga kirita olmaganidan juda xafa bo‘lgan: - Aleks Fergyuson Ronaldinyo "Barselona"ni tanlaganidan butunlay siqilgan. Bizni Lissabonning "Sporting" klubi stadionining ochilish marosimiga taklif qilishdi. U yerda Krishtianu Ronaldu o‘ynadi, qolgani esa tarix. Ammo u Ronaldinyodan murabbiyning ko‘ngli qolgani uchungina jamoamizga qo‘shildi", - deya Ferdinandning so‘zlarini keltiradi Mirror.