Italiyada A Seriyaning yigirma ikkinchi turi doirasida Turinning "Yuventus" klubi "Empoli"ga qarshi o‘yinda kutilmaganda ochko yo‘qotdi.
Turin klubi ustozi Massimiliano Allegri o‘yin natijalari haqida fikr bildirdi.
"O‘ylashimcha, biz yomon o‘yin o‘tkazmadik, biz g‘alabaga intildik, hattoki o‘nta odam qolgan bo‘lsak ham.
Siz har doim ham g‘alaba qozona olmaysiz, bu shunday ishlamaydi.
Muvaffaqiyatsizliklar ham bor. Qolaversa, biz "Empoli"ga hurmat ko‘rsatishimiz kerak", - deya Allegrining so‘zlarini keltiradi Juvenewseu.
Chempionatning navbatdagi turida “Yuventus” “Inter” bilan bahs olib boradi.
