Polshalik hujumchi Arkadiush Milik Italiya chempionatining navbatdagi o‘yinida o‘z klubiga pand berdi. U qizil kartochka oldi, natijada "Yuventus" deyarli butun o‘yinni o‘n kishi bilan o‘tkazdi. Milik o‘z xatosi uchun jamoadan kechirim so‘rashga majbur bo‘ldi.
"Kechirasiz, jamoani tushkunlikka tushirishni xohlamadim. Bunday niyatim yo‘q edi. Uzr so‘rayman. Forza "Yuventus", deb yozdi Milik ijtimoiy tarmoqlarda.
Italiya chempionatining navbatdagi turida “Yuventus” o‘zining asosiy raqibi “Inter” bilan o‘ynashi kerak. Ushbu o‘yin to‘rtinchi fevral kuni bo‘lib o‘tadi.