Myunxenning "Bavariya" klubi tez orada jamoaga yangi vingerni olib kelishi mumkin.
Jurnalist Florian Plettenbergning xabariga ko‘ra, Tomas Tuxel jamoasi transferi dekabr oyida yakuniga yetgan vinger Brayan Saragosaning kelishini tezlashtirish masalasini ko‘rib chiqmoqda.
Eslatib o‘tamiz, "Bavariya" Saragosani mavsum oxirigacha ijara asosida "Granada"da qoldirgan edi. Biroq Kingsli Komanning jarohati myunxenliklarni ispaniyalik futbolchining "Alyans Arena"ga kelishini tezlashtirish haqida o‘ylashga majbur qildi.
Oldinroq Koman jarohati sabab ikki oyni o‘tkazib yuborishi xabar qilingandi. Serj Gnabri yaqin uch hafta ichida jamoasiga yordam bera olmaydi. 22 yoshli Saragosa La Liganing ushbu mavsumida 6 ta gol va 2 ta golli uzatmani amalga oshirdi.
