Мюнхеннинг "Бавария" клуби тез орада жамоага янги вингерни олиб келиши мумкин.
Журналист Флориан Плеттенбергнинг хабарига кўра, Томас Тухель жамоаси трансфери декабрь ойида якунига етган вингер Брайан Сарагосанинг келишини тезлаштириш масаласини кўриб чиқмоқда.
Эслатиб ўтамиз, "Бавария" Сарагосани мавсум охиригача ижара асосида "Гранада"да қолдирган эди. Бироқ Кингсли Команнинг жароҳати мюнхенликларни испаниялик футболчининг "Альянс Арена"га келишини тезлаштириш ҳақида ўйлашга мажбур қилди.
Олдинроқ Коман жароҳати сабаб икки ойни ўтказиб юбориши хабар қилинганди. Серж Гнабри яқин уч ҳафта ичида жамоасига ёрдам бера олмайди. 22 ёшли Сарагоса Ла Лиганинг ушбу мавсумида 6 та гол ва 2 та голли узатмани амалга оширди.
