Ispaniyaning "Sevilya" klubi matbuot xizmati xorvatiyalik yarim himoyachi Ivan Rakitichning jamoani tark etganini ma’lum qildi.

Avvalroq OAVda 35 yoshli futbolchi faoliyatini Saudiya Arabistonida davom ettirishi haqida xabarlar tarqalgan edi. Fabrisio Romanoning ijtimoiy tarmoqdagi xabariga ko‘ra, futbolchi "Ash-SHabab"ga o‘tishdan oldin tibbiy ko‘rikdan muvaffaqiyatli o‘tgan.

Rakitich "Sevilya"da 2020 yildan buyon o‘ynab kelmoqda. Joriy mavsumda u barcha turnirlarda 27 ta o‘yinda qatnashib, ikkita gol urdi va jamoadoshlariga to‘rtta golli uzatma berdi. Saudiya Arabistoni chempionatining birinchi davra yakunlariga ko‘ra, "Ash-SHabab" turnir jadvalida 11-o‘rinda bormoqda.