Ispaniya terma jamoasi bosh murabbiyi Luis de la Fuente "Barselona"ni boshqarayotgan Xavining joriy mavsum yakunida jamoani tark etish qaroriga izoh berdi.
"Xavi bilan juda yaxshi munosabatdaman. Inson baxtli bo‘lishi juda muhim, ayniqsa har qanday qaror qabul qilishda", - dedi de la Fuente Mundo Deportivo bilan suhbatda.
Eslatib o‘tamiz, Xavi o‘z qarorini 27 yanvar kuni bo‘lib o‘tgan "Vilyarreal"ga qarshi 22-turning so‘nggi o‘yinidan (3:5) keyin o‘tkazilgan matbuot anjumanida ma’lum qilgandi. Biroq ispaniyalik mutaxassis kelajakda klubga qaytishi mumkinligini tan oldi.
Ispaniya chempionatining 21-turidan so‘ng "Barselona" 44 ochko jamg‘arib, peshqadam "Jirona"dan 11 ochko ortda qolgan holda to‘rtinchi o‘rinda bormoqda.