"Manchester Yunayted" yarim himoyachisi Kazemiro jamoa bosh murabbiyi Erik ten Xagning kelajagi haqidagi savolga javob berdi.
"Murabbiyning taqdirini men hal qilmayman. Klubda buning uchun alohida odamlar bor, ammo o‘tgan mavsumda Ten Xag barchaga jamoani yangi bosqichga ko‘tarishga qodirligini ko‘rsatdi", - deya Kazemirodan iqtibos keltiradi CNN.
53 yoshli niderlandiyalik mutaxassis 2022 yilning yozidan buyon "Manchester Yunayted"ni boshqarib kelmoqda.
Joriy mavsumda “qizil iblislar” Angliya chempionatida 21 o‘yin o‘tkazib, 32 ochko jamg‘argan. Ayni paytda jamoa turnir jadvalida sakkizinchi o‘rinni egallab turibdi.
