"Manchester Siti" bosh murabbiyi Pep Gvardiola "Byornli"ni boshqarayotgan Vensan Kompani haqida gapirdi.

“Men Vinni juda hurmat qilaman. Men u nimaga erishmoqchi ekanligini bilaman, lekin ba’zida natijalar yomon, lekin jamoa tirik. Biz ehtiyot bo‘lishimiz kerak. Biz ertangi kunga imkon qadar ko‘proq tayyorlanyapmiz", - dedi Gvardiola "Manchester Siti" rasmiy saytiga.

Kompani 2022 yilning iyulida "Byornli"ni qabul qilib olgan edi. 37 yoshli mutaxassis o‘zining ilk mavsumidayoq jamoani Premyer-ligaga olib chiqdi va Chempionshipda 101 ochko bilan birinchi o‘rinni egalladi.

Joriy mavsumda "Byornli" 22 turdan so‘ng 12 ochko bilan APLda 19-o‘rinda bormoqda.

Angliya chempionatining 22-turidan o‘rin olgan o‘yinda "shaharliklar" "Byornli"ga qarshi maydonga tushadi.