Xavi "Barselona"dan ketganidan keyin ishdan tanaffus qilishni rejalashtirmoqda.
AS nashrining yozishicha, ispaniyalik murabbiy o‘z oilasiga ko‘proq vaqt ajratmoqchi. Mavsum oxirida "Barselona"ni tark etgach, Xavi 2012 yilda Kataloniya klubini tark etganidan so‘ng Pep Gvardiola singari bir yilga murabbiylik faoliyatida tanaffus qilishni rejalashtirmoqda.
Tanaffusdan so‘ng Xavi Ispaniyadan tashqarida Yevropaning top-5 ligasi klublaridan birini boshqarish niyatida – ispaniyalik mutaxassisning ustuvor yo‘nalishi Premyer-ligada ishlash, biroq u A Seriya yoki Bundesligada ham ishlash imkoniyatini ham inkor etmaydi va takliflarni ta’til paytida ko‘rib chiqishga tayyor. Shu bilan birga, Xavi Qatarga qaytish yoki boshqa ekzotik chempionatda ishlash haqida o‘ylamayapti, chunki u buni faoliyatidagi o‘tgan bosqich deb biladi.
Shuningdek, Xavi uzoq muddatda "Barselona"ga boshqa rolda qaytishini ham inkor etmagani xabar qilingan. Tanaffus vaqtida Xavi klub va futbolchilar bilan aloqani davom ettiradi.
