Osiyo kubogi chorak final bahsi doirasidagi Qatar – O‘zbekiston bellashuvi oldidan matbuot anjumani tashkil etildi.

Unda milliy terma jamoamiz bosh murabbiyi Srechko Katanes ishtirok etdi va Qatar terma jamoasiga qarshi o‘yin haqida fikr bildirdi.

"Ta’surootlarga keladigan bo‘lsak, bizni qiyin bahs kutyapti. Biz yetarlicha dam oldik, jamoamni qo‘ldan kelgancha jangovar holatga keltirdim. Ertaga yorqin o‘yin ko‘rsatishga urinamiz.

Diyor Holmatov ajoyib o‘yin ko‘rsatdi. Dastlabki rasmiy uchrashuv bo‘lishiga qaramay zo‘r ta’suroot qoldirdi. Bu men uchun ham syurpriz bo‘ldi. U Dubaydagi yig‘inda ham juda yaxshi mehnat qilgandi. Ertaga asosiy tarkibda u o‘ynaydimi yoki boshqa futbolchi, buni vaqt ko‘rsatadi.

Mening vazifam yigitlarni eng yaxshi holatda o‘yinga tayyorlash. Futbolchilarim Qatarga qarshi qanday o‘ynashni biladi. Qatar ham havotir oladigan bizning ustun jihatlarimiz bor.

Shuni aytgan bo‘lardimki, hakamlarga ham omad tilayman", - dedi Srechko Katanes.