O‘zbekiston milliy terma jamoasi bosh murabbiyi Srechko Katanes va futbolchimiz Odiljon Hamrobekov Qatarga qarshi uchrashuv oldidan matbuot anjumanida ishtirok etdi. Hamrobekovning ishonchi yuqori.
"Turnirdagi navbatdagi uchrashuvimiz, amaldagi chempion va mezbon Qatar terma jamoasiga qarshi bo‘lib o‘tadi.
Ular o‘z muxlislari qarshisida o‘ynashadi. Bu jamoada iqtidorli va tajribali futbolchilar bor. Shunga qaramasdan ushbu uchrashuvga tayyormiz.
Biz faqat Akrom Afif va Almoez Aliga emas, balki butun jamoaga qarshi o‘ynaymiz. Ularni to‘xtatishga va oldimizga qo‘ygan maqsadimizni amalga oshirishga harakat qilamiz.
Diyor bilan bir klubda faoliyat yuritganmiz. U iqtidorli futbolchi, biroq markazda men bilan birga o‘ynagan jamoadoshlarimni solishtirish noto‘g‘ri, har ikkisining o‘ziga yarasha ustun jihatlari bor.
Muxlislar bilan to‘lgan stadionda futbol o‘ynash biz uchun qiyinchilik tug‘dirmaydi. Butun diqqat e’tiborimizni yaxshi natija ko‘rsatishga qaratamiz", – dedi Hamrobekov.
