SSKA sobiq bosh murabbiyi Ivisa Olich "qizil-ko‘klar" hujumchisi Abbosbek Fayzullayevning "Bavariya"ga o‘tishi mumkinligi haqida fikr bildirdi.
"Agar myunxenliklar uni kuzatishsa, demak, bu uning darajasidan dalolat beradi, biroq u uchun nafaqat bir nechta individual o‘yinlarda, balki bir necha mavsumda ham o‘zini ko‘rsatish muhim", - deya Olichning so‘zlarini keltiradi Metaratings.com
Mutaxassisning ta’kidlashicha, Fayzullayevning bir necha yillik muvaffaqiyatli o‘yinlaridan keyingina Yevropaning yirik klubiga o‘tish haqida gapirish mumkin.
2023/24 yilgi mavsumda Fayzullayev SSKA tarkibida 18 ta o‘yinda maydonga tushib, ikki bor raqiblar darvozasiga zarba berdi va 9 ta golli uzatmani amalga oshirdi.
