ЦСКА собиқ бош мураббийи Ивица Олич "қизил-кўклар" ҳужумчиси Аббосбек Файзуллаевнинг "Бавария"га ўтиши мумкинлиги ҳақида фикр билдирди.
"Агар мюнхенликлар уни кузатишса, демак, бу унинг даражасидан далолат беради, бироқ у учун нафақат бир нечта индивидуал ўйинларда, балки бир неча мавсумда ҳам ўзини кўрсатиш муҳим", - дея Оличнинг сўзларини келтиради Metaratings.com
Мутахассиснинг таъкидлашича, Файзуллаевнинг бир неча йиллик муваффақиятли ўйинларидан кейингина Европанинг йирик клубига ўтиш ҳақида гапириш мумкин.
2023/24 йилги мавсумда Файзуллаев ЦСКА таркибида 18 та ўйинда майдонга тушиб, икки бор рақиблар дарвозасига зарба берди ва 9 та голли узатмани амалга оширди.
