"Manchester Siti" bosh murabbiyi Pep Gvardiola jamoa yarim himoyachisi Fil Fodenning joriy mavsumdagi o‘yini haqida gapirdi.

"Bu mavsumda gollar va golli uzatmalar bo‘yicha jamoaning natijalariga Fil eng katta ta’sir ko‘rsatmoqda. U biz uchun juda muhim. U o‘yinni juda yaxshi o‘qiydi, avvalgidan ko‘ra sodda va tajovuzkor o‘ynaydi. Fil jamoaga ustunlik berish uchun maydonda aql bilan harakat qiladi. U ajoyib o‘yinchi", - deya Gvardiolaning so‘zlarini keltiradi «Man Siti» matbuot xizmati.

Unga ko‘ra, Foden kelajakda uzoq yillik klub yetakchisi Kevin De Bryuyne o‘rnini egallaydi.

"U kelajakda Kevin De Bryuyne va Bernardu Silvaning o‘rniga yetakchi bo‘ladi. Har mavsumda u tajriba orttiradi, keyin uni boshqalarga yetkazishda yordam beradi", - deya qo‘shimcha qildi murabbiy.