"Манчестер Сити" бош мураббийи Пеп Гвардиола жамоа ярим ҳимоячиси Фил Фоденнинг жорий мавсумдаги ўйини ҳақида гапирди.
"Бу мавсумда голлар ва голли узатмалар бўйича жамоанинг натижаларига Фил энг катта таъсир кўрсатмоқда. У биз учун жуда муҳим. У ўйинни жуда яхши ўқийди, аввалгидан кўра содда ва тажовузкор ўйнайди. Фил жамоага устунлик бериш учун майдонда ақл билан ҳаракат қилади. У ажойиб ўйинчи", - дея Гвардиоланинг сўзларини келтиради «Ман Сити» матбуот хизмати.
Унга кўра, Фоден келажакда узоқ йиллик клуб етакчиси Кевин Де Брюйне ўрнини эгаллайди.
"У келажакда Кевин Де Брюйне ва Бернарду Силванинг ўрнига етакчи бўлади. Ҳар мавсумда у тажриба орттиради, кейин уни бошқаларга етказишда ёрдам беради", - дея қўшимча қилди мураббий.
