Fransiyaning "PSJ" klubi yulduz hujumchisi Kilian Mbappening ahvoli haqida futbolchi klub rahbariyatiga kelajagi borasidagi qarorini aytmaguncha hech qanday izoh berish niyatida emas. Bu haqda jurnalist Loik Tanzi xabar berdi.

Eslatib o‘tamiz, avvalroq Kilian Mbappe "Real"ga o‘tishga yaqin ekani xabar qilingandi. Shuningdek, fransuz futbolchisi Ispaniya poytaxtida qayerda yashashiga qaror qilgani haqida ham ma’lumotlar paydo bo‘ldi.

Joriy mavsumda 24 yoshli hujumchi "PSJ" safida barcha rasmiy turnirlarda 28 ta o‘yinda ishtirok etib, 29 ta gol va 7 ta golli uzatmaga mualliflik qilgan. Transfermarkt internet portali futbolchining bozor qiymatini 180 million yevroga baholagan.