"Chelsi" bosh murabbiyi Maurisio Pochettino Angliya kubogi 1/16 finalida "Aston Villa"ga qarshi o‘yinda (3:1) Enso Fernandesning muvaffaqiyatli o‘yini haqida fikr bildirdi.

"U jahon chempioni. U bir yil oldin shartnoma imzolaganida ta’tilsiz, dam olmasdan, yosh futbolchilarga ma’lum bir bosim bo‘lgan jamoaga kelgandi. Bu yerda boshqa til va boshqa madaniyat bor. Bu holatlarning barchasi moslashish uchun vaqt talab qiladi. Haqiqatga mos kelmaydigan umidlarni yaratishni to‘xtating va o‘yinchilarning o‘sishiga yordam bering.

Bugun biz jamoat arboblarini xafa qilish oson bo‘lgan davrda yashayapmiz. Axir, o‘yinchilar odamlar, ular robot emas. Bugun Enso nima uchun bu yerda ekanligini ko‘rsatdi, u o‘z darajasini ko‘rsatdi. Unga ham, Kaysedoga ham, bu yerga chempionlik umidida kelgan boshqa yosh futbolchilarga ham shubha qilmadik", - dedi Pochettino Metro bilan suhbatda.

Eslatib o‘tamiz, Emeri shogirdlariga qarshi o‘yinda Enso Fernandes to‘g‘ridan-to‘g‘ri jarima zarbasini amalga oshirdi.