Poytaxtimizda bo‘lib o‘tayotgan og‘ir atletika bo‘yicha Osiyo chempionatida hozirgina 96 kg vazndagi erkaklar g‘oliblik uchun bahs olib borishdi. Unda yurtimiz sharafini Sunnatilla O‘sarov himoya qildi.

Ushbu vaznda bor-yo‘g‘i 6 sportchi medallar uchun kurash olib borishdi. Sunnatilla O‘sarov barcha yo‘nalishlarda ikkinchi o‘rinni egalladi. Hamyurtimiz dast ko‘tarish yo‘nalishida 161 kg shtangani ko‘targan bo‘lsa, siltab ko‘tarishda 185 kg natija qayd etdi. O‘sarovning ikki kurashdagi natijasi 346 kg bo‘ldi.

Janubiy Koreyalik Von Jong Beom 3 ta oltin medalni o‘zi bilan olib ketadigan bo‘ldi. Uning natijalari — 162 kg, 205 kg va 367 kg bo‘ldi.

Bronza medali esa dast ko‘tarishda Kirill Staroyeverkin (Qozog‘iston), siltab ko‘tarish va ikki kurashda Nursultan Tarmolov (Qirg‘iziston)ga nasib etdi.

Og‘ir atletika. Osiyo chempionati, erkaklar, 96 kg.

Dast ko‘tarish
1. Von Jong Beom (Janubiy Koreya) — 162 kg.
2. Sunnatilla O‘sarov (O‘zbekiston) — 161 kg.
4. Kirill Staroyeverkin (Qozog‘iston) — 150 kg.

Siltab ko‘tarish
1. Von Jong Beom (Janubiy Koreya) — 205 kg.
2. Sunnatilla O‘sarov (O‘zbekiston) — 185 kg.
3. Nursultan Tarmalov (Qirg‘iziston) — 184 kg.

Ikki kurash
1. Von Jong Beom (Janubiy Koreya) — 367 kg.
2. Sunnatilla O‘sarov (O‘zbekiston) — 346 kg.
3. Nursultan Tarmalov (Qirg‘iziston) — 333 kg.