Premyer-liga yanvar oyining eng yaxshi murabbiyi sovrini uchun nomzodlar ro‘yxatini e’lon qildi.
Mikel Arteta (“Arsenal”), Rob Edvards (“Luton Taun”), Pep Gvardiola (“Manchester Siti”) va Yurgen Klopp (“Liverpul”) 2024 yilning birinchi oyidagi eng yaxshi murabbiy nomiga da’vogarlik qilmoqda.
"Aston Villa"dan Unai Emeri dekabr oyida Premyer-liganing eng yaxshi murabbiyi deb topilgandi.
23-turdan keyin 51 ochko bilan APL peshqadami “Liverpul” bo‘lib turibdi. "Manchester Siti" ikkinchi o‘rinda (49 ochko), ammo ularning bir zaxira o‘yini bor. “Arsenal” qo‘shimcha ko‘rsatkichlar bo‘yicha “Manchester Siti”ni ortda qoldirib, uchinchi o‘rinda (49).
