"Napoli" prezidenti Aurelio De Laurentis himoyachi Radu Dregushinni "Tottenxem"dan tortib olishga bo‘lgan muvaffaqiyatsiz urinishi haqida gapirdi.
Yanvar oyida "Tottenxem" Dregushinni "Jenoa"dan 26,7 million funtga sotib oldi va futbolchi "Bavariya"ni emas, "shporlar"ni tanladi.
Dregushinning "Napoli" bilan varianti ham bor edi va A Seriya chempionlari Raduga "Tottenxem" yoki "Bavariya"dan ko‘ra ko‘proq pul to‘lashga tayyor edi, ammo 22 yoshli ruminiyalik Angliyani tanlagan edi.
"Men unga hammadan ko‘ra ko‘proq pul taklif qildim. Hech kim unga biz kafolat beradigan raqamlarni taklif qilmadi.
"Jenoa" menga javob berdi: "Bavariya" ham unga da’vogarlik qilmoqda, ammo yigit Angliyaga borishni juda xohlaydi. Bu pul haqida emas edi. Futbolchini sotib olmoqchi bo‘lganingizda, pul har doim ham muhim narsa emas.
Agar ular sizga bu iqtidor ma’lum bir ligaga intilayotganini aytishsa, buni qabul qilib, to‘xtashingiz mumkin. Biz harakat qildik, ammo u boshqacha tanlov qildi", - dedi De Laurentis Evening Standard bilan suhbatda.
