"Barselona" hujumchisi Robert Levandovski bosh murabbiy Xavi Ernandes va jamoa muammolari haqida o‘z fikrini aytdi.
Yaqinda ispaniyalik mutaxassis mavsum yakunlangach, o‘z lavozimini tark etishini ma’lum qilgandi.
"Barselona"da murabbiy yoki futbolchi bo‘lish juda katta mas’uliyat. Bosim – normal holat. Hozir klub qiyin davrni boshdan kechirmoqda, jamoada ko‘plab yosh futbolchilar bor va har doimgidek umidlar juda yuqori.
Bu Xavi uchun nimani anglatishini tushunaman. "Barselona" uning klubi, u shu yerda o‘ynagan va hozirda murabbiy bo‘lib ishlaydi.
Bu uning uchun hissiy nuqtayi nazardan juda qiyin va men uni juda yaxshi tushunaman", – dedi Levandovski.
