"Барселона" ҳужумчиси Роберт Левандовски бош мураббий Хави Эрнандес ва жамоа муаммолари ҳақида ўз фикрини айтди.

Яқинда испаниялик мутахассис мавсум якунлангач, ўз лавозимини тарк этишини маълум қилганди.

"Барселона"да мураббий ёки футболчи бўлиш жуда катта масъулият. Босим – нормал ҳолат. Ҳозир клуб қийин даврни бошдан кечирмоқда, жамоада кўплаб ёш футболчилар бор ва ҳар доимгидек умидлар жуда юқори.

Бу Хави учун нимани англатишини тушунаман. "Барселона" унинг клуби, у шу ерда ўйнаган ва ҳозирда мураббий бўлиб ишлайди.

Бу унинг учун ҳиссий нуқтайи назардан жуда қийин ва мен уни жуда яхши тушунаман", – деди Левандовски.