"Fulxem" bosh murabbiyi Marko Silva Armando Broya mavsumning ikkinchi yarmida jamoaga yordam berishiga ishonmoqda.
Londonliklar 22 yoshli forvardni “Chelsi”dan ijaraga oldi. Oy boshida futbolchi "Byornli"ga qarshi o‘yinda (2:2) zaxiradan maydonga tushib, yangi jamoasida debyutini o‘tkazdi.
“Broya, albatta, biz uchun juda ko‘p foyda keltira oladi. U bizda mavjud bo‘lgan hujumchilardan farq qiladi. U Raul Ximenes bilan solishtirganda ancha dinamik o‘yinchi va u bizning o‘yinimizga yangi narsalarni olib keladi. Armando o‘zining tezkorligi tufayli raqib himoyachilarining orqasidan yugurib, ularga muammo tug‘dira oladi.
Klubdagi birinchi hafta uning uchun muhim edi. U bizning talablarimizga moslashishda davom etmoqda. Biz undan yaxshi o‘yin kutamiz", - deya Marko Silva so‘zlarini keltiradi Goal.
