"Фулхэм" бош мураббийи Марко Силва Армандо Броя мавсумнинг иккинчи ярмида жамоага ёрдам беришига ишонмоқда.

Лондонликлар 22 ёшли форвардни “Челси”дан ижарага олди. Ой бошида футболчи "Бёрнли"га қарши ўйинда (2:2) захирадан майдонга тушиб, янги жамоасида дебютини ўтказди.

“Броя, албатта, биз учун жуда кўп фойда келтира олади. У бизда мавжуд бўлган ҳужумчилардан фарқ қилади. У Рауль Хименес билан солиштирганда анча динамик ўйинчи ва у бизнинг ўйинимизга янги нарсаларни олиб келади. Армандо ўзининг тезкорлиги туфайли рақиб ҳимоячиларининг орқасидан югуриб, уларга муаммо туғдира олади.

Клубдаги биринчи ҳафта унинг учун муҳим эди. У бизнинг талабларимизга мослашишда давом этмоқда. Биз ундан яхши ўйин кутамиз", - дея Марко Силва сўзларини келтиради Goal.