"Atletiko” hujumchisi Alvaro Morata Ispaniya La ligasining 24-turidan o‘rin olgan “Sevilya”ga qarshi o‘yinda (0:1) o‘ng tizzasidan jarohat oldi, deb xabar bermoqda “matraschilar” rasmiy sayti.

"Dushanba kuni ertalab u jarohat darajasini aniqlash uchun MRTdan o‘tkazildi va tibbiy xulosada o‘ng tizzaning medial kollateral ligamentining yorilishi borligi aytilgan", - deyiladi klub xabarida.

Joriy mavsumda 31 yoshli ispaniyalik barcha musobaqalarda “Atletiko”ning 33 ta uchrashuvida qatnashib, 19 ta gol va 3 ta golli uzatmaga mualliflik qilgan.