"Атлетико” ҳужумчиси Альваро Мората Испания Ла лигасининг 24-туридан ўрин олган “Севилья”га қарши ўйинда (0:1) ўнг тиззасидан жароҳат олди, деб хабар бермоқда “матрасчилар” расмий сайти.

"Душанба куни эрталаб у жароҳат даражасини аниқлаш учун МРТдан ўтказилди ва тиббий хулосада ўнг тиззанинг медиал коллатерал лигаментининг ёрилиши борлиги айтилган", - дейилади клуб хабарида.

Жорий мавсумда 31 ёшли испаниялик барча мусобақаларда “Атлетико”нинг 33 та учрашувида қатнашиб, 19 та гол ва 3 та голли узатмага муаллифлик қилган.