"Manchester Siti" bosh murabbiyi Pep Gvardiola Gari Nevillning so‘zlarini e’tiborsiz qoldirmadi. "Manchester Yunayted"ning sobiq himoyachisi "bu jamoaning o‘yinini tomosha qilib bo‘lmaydi", degandi.
"Men nima deyishim mumkin? Avvalo, iltifot uchun rahmat. Futbolda hech narsa oson emas. Lekin mening jamoamdan hayratlanishmoqda. Men bunga ishonchim komil. Va buni olti yoki yetti yil davomida barcha musobaqalarda g‘alaba uchun kurashish nimani anglatishini tushunadigan odamlar qiladi.
Bularning barchasi oson ko‘rinishi mumkin, ammo bunday emas. Men sizga bu so‘zlarni eslab qolishingizni maslahat beraman. Raqiblar bizga hurmat bilan munosabatda bo‘lishadi", - dedi Gvardiola klub saytiga.
