Myunxenning “Bavariya” klubi markaziy himoyachisi Matteys de Ligt Angliya premyer-ligasining top-klublaridan biriga o‘tishi mumkin.
Manbaning xabariga ko‘ra, niderlandiyalik futbolchi bilan "Manchester Yunayted" bosh murabbiyi Erik ten Xag qiziqish bildirmoqda. “Bavariya” agar “qizil iblislar” futbolchi uchun 60 million yevro to‘lasa, u bilan xayrlashishga tayyor.
Matteysning shartnomasi 2027 yilning o‘rtalariga qadar mo‘ljallangan. Bundesliganing joriy mavsumida de Ligt myunxenliklar safida 13 ta o‘yin o‘tkazdi. Himoyachi ikkita gol urdi va to‘rtta sariq kartochka oldi.