Temur Kapadze boshqaruvidagi O‘zbekiston olimpiya terma jamoasi mart oyida ikkita o‘rtoqlik uchrashuvi o‘tkazishni rejalashtirgan.
Mart oyining so‘nggi dekadasidagi FIFA kunlarida olimpiyachilarimiz Turkiyada yig‘in o‘tkazishi kutilmoqda. Hozircha raqiblar aniq emas.
Dastlab O‘zbekiston U23 terma jamoasi Ispaniyada yig‘ini o‘tkazib, u yerda AQSH va Misrga qarshi o‘rtoqlik o‘yinlarini o‘tkazishi rejalashtirilayotgan edi. Ammo reja o‘zgarib, jamoamiz Turkiyada yig‘in o‘tkazishga qaror qildi.
Eslatib o‘tamiz, ushbu yig‘in aprel oyida Qatarda bo‘lib o‘tadigan AFC U23 Osiyo kubogi oldidan so‘nggi tayyorgarlik vazifasini o‘tab beradi.
