Italiya chempionatining yigirma beshinchi turida Turinning “Yuventus” klubi yana ochko yo‘qotdi. Massimiliano Allegri shogirdlari “Verona” bilan o‘yinda ikki marta hisobni tenglashtirishga majbur bo‘ldi va natijada atigi bir ochko oldi. "Yuventus" bosh murabbiyi Massimiliano Allegri o‘yin natijalari haqida fikr bildirdi.

"Biz hali o‘zimizga hech narsani kafolatlaganimiz yo‘q, hattoki Chempionlar ligasini ham. Nima uchun kimdir Skudetto haqida gapira boshlaganini bilmayman. Bugundan boshlab bizga bu fikrlar kerak emas, biz qayta ishga kirishishimiz kerak", - deya "Yuventus" ustozi so‘zlarini keltiradi Juvenews.eu.

Keyingi turda “Yuventus” “Frozinone”ga qarshi bahs olib boradi.