Италия чемпионатининг йигирма бешинчи турида Туриннинг “Ювентус” клуби яна очко йўқотди. Массимилиано Аллегри шогирдлари “Верона” билан ўйинда икки марта ҳисобни тенглаштиришга мажбур бўлди ва натижада атиги бир очко олди. "Ювентус" бош мураббийи Массимилиано Аллегри ўйин натижалари ҳақида фикр билдирди.
"Биз ҳали ўзимизга ҳеч нарсани кафолатлаганимиз йўқ, ҳаттоки Чемпионлар лигасини ҳам. Нима учун кимдир Скудетто ҳақида гапира бошлаганини билмайман. Бугундан бошлаб бизга бу фикрлар керак эмас, биз қайта ишга киришишимиз керак", - дея "Ювентус" устози сўзларини келтиради Juvenews.eu.
Кейинги турда “Ювентус” “Фрозиноне”га қарши баҳс олиб боради.
