"Yuventus"ning rasmiy sayti klub sardori Daniloning ahvoli haqida xabar tarqatdi.
32 yoshli futbolchi "Verona" bilan so‘nggi uchrashuvda (2:2) to‘pig‘idan jarohat oldi. Biroq u maydonda qolishga majbur bo‘ldi, chunki o‘sha paytda Maks Allegrining zaxiralari tugab qolgandi.
Braziliyalik futbolchi jarohati qanchalik jiddiy ekanligini aniqlash uchun bugun ertalab tibbiy ko‘rikdan o‘tdi.
"Yaxshiyamki, tekshiruv natijalari paylarning shikastlanishi yoki sinishini istisno qildi. Biroq futbolchining ahvoli har kuni kuzatib boriladi.
17 fevral shanba kuni "Verona"ga qarshi o‘yinda olgan jarohatidan so‘ng Danilo yakshanba kuni ertalab J|Medical'da tibbiy ko‘rikdan o‘tdi", - deyiladi klub rasmiy bayonotida.
Tekshiruvlar bo‘g‘imlarning shikastlanishi va chap to‘piqning sinishini aniqladi va futbolchi reabilitasiya jarayonini boshladi. Uning ahvoli kundan-kunga baholanadi.
Biroq, sardor katta ehtimol bilan klubning kelasi yakshanba, 25 fevral kuni bo‘lib o‘tadigan "Frozinone"ga qarshi navbatdagi o‘yinini o‘tkazib yuborishi kerak.
