“Xetafe” hujumchisi Meyson Grinvud “Manchester Yunayted”ga qaytmaydi. Eslatib o‘tamiz, 22 yoshli futbolchi ispan klubida ijara asosida o‘ynaydi va uning shartnomasi "qizil iblislar"ga tegishli.
Jurnalist Kristofer Mishelning fikricha, Grinvud "Manchester Yunayted"ga qaytmaydi. Qayd etilishicha, futbolchi uchun endi “Atletiko” va “Barselona” da’vogarlik qilmoqda. Manbaning qayd etishicha, ingliz grandi Grinvudni sotishdan 40 million yevro ishlab olmoqchi.
Joriy mavsumda Grinvud barcha musobaqalarda 24 ta o‘yinda qatnashib, 7 ta gol urdi va 5 ta golli uzatmani amalga oshirdi.
