“Хетафе” ҳужумчиси Мейсон Гринвуд “Манчестер Юнайтед”га қайтмайди. Эслатиб ўтамиз, 22 ёшли футболчи испан клубида ижара асосида ўйнайди ва унинг шартномаси "қизил иблислар"га тегишли.

Журналист Кристофер Мишелнинг фикрича, Гринвуд "Манчестер Юнайтед"га қайтмайди. Қайд этилишича, футболчи учун энди “Атлетико” ва “Барселона” даъвогарлик қилмоқда. Манбанинг қайд этишича, инглиз гранди Гринвудни сотишдан 40 миллион евро ишлаб олмоқчи.

Жорий мавсумда Гринвуд барча мусобақаларда 24 та ўйинда қатнашиб, 7 та гол урди ва 5 та голли узатмани амалга оширди.