"Inter" bosh murabbiyi Simone Indzagi "Atletiko Madrid" bilan UEFA Chempionlar ligasi 1/8 finali birinchi o‘yini oldidan Milan klubi favoritmi, degan savolga javob berdi.
Mutaxassis o‘z futbolchilarini bo‘lajak o‘yinda favorit deb hisoblamasligini aniq aytib o‘tdi.
"Biz favorit emasmiz. "Atletiko" bu mavsumda ko‘plab ajoyib o‘yinlarni o‘tkazdi. Bu ustunlik qilishni xohlaydigan va aniq prinsiplarga ega bo‘lgan ikki jamoa o‘rtasidagi ajoyib to‘qnashuv bo‘ladi.
Bu juda qiyin o‘yin bo‘ladi. Yigitlar buni bilishadi", - deya Simone Indzagining so‘zlarini keltiradi Mundo Deportivo.
