"Manchester Yunayted" afsonasi Gari Nevill "qizil iblislar" hujumchisi Rasmus Xyoylund unga "Manchester Siti" futbolchisi Erling Xolandni eslatishini tan oldi.
O‘tgan hafta oxirida Xyoylundning dubli "MYU"ga "Luton" ustidan g‘alaba olib keldi. Bu Rasmusni barcha musobaqalarda "qizil iblislar" safida o‘tkazgan so‘nggi sakkizta o‘yinidagi sakkizinchi goli bo‘ldi.
"Keniluort Roud"dagi o‘yini bilan 21 yoshli daniyalik hujumchi Nevillga o‘tgan mavsumda Premyer-liganing "Oltin butsa"sini qo‘lga kiritgan va yana Angliya chempionatining eng yaxshi to‘purari bo‘lgan norvegiyalik Xolandni eslatdi.
"Xyoylund rivojlanishi Xolandga o‘xshadi - yugurishda ham xuddi shunday kuch, jismoniy va tajovuzkorlikda ham shunday. Menga "Manchester Yunayted"ning markaziy hujumchisi doim yoqqan", - dedi Nevill o‘zining podkastida.
