Chempionlar ligasi pley-off bosqichidagi ilk o‘yinida turnirning o‘tgan yilgi finalchisi “Inter” Madridning “Atletiko” jamoasini mag‘lub etdi. Rasmiy ma’lumotlarga ko‘ra, o‘yinga 73 709 muxlis tashrif buyurdi va chiptalar sotuvidan tushgan umumiy daromad to‘qqiz million yevrodan oshdi – aniqrog‘i 9 218 859.
Ma’lum bo‘lishicha, bu “Inter” tarixidagi ikkinchi eng yirik ko‘rsatkich. O‘tgan yilning may oyida “Inter” Chempionlar ligasining yarim finalida “Milan” bilan kurash olib borgan va har ikki o‘yinda ham raqiblarini mag‘lub etishga muvaffaq bo‘lgandi. O‘shanda ular bu borada rekord o‘rnatishgan.
Javob o‘yini uch haftadan so‘ng Ispaniya poytaxti Madridda - 13 mart kuni bo‘lib o‘tadi.
