Чемпионлар лигаси плей-офф босқичидаги илк ўйинида турнирнинг ўтган йилги финалчиси “Интер” Мадриднинг “Атлетико” жамоасини мағлуб этди. Расмий маълумотларга кўра, ўйинга 73 709 мухлис ташриф буюрди ва чипталар сотувидан тушган умумий даромад тўққиз миллион евродан ошди – аниқроғи 9 218 859.
Маълум бўлишича, бу “Интер” тарихидаги иккинчи энг йирик кўрсаткич. Ўтган йилнинг май ойида “Интер” Чемпионлар лигасининг ярим финалида “Милан” билан кураш олиб борган ва ҳар икки ўйинда ҳам рақибларини мағлуб этишга муваффақ бўлганди. Ўшанда улар бу борада рекорд ўрнатишган.
Жавоб ўйини уч ҳафтадан сўнг Испания пойтахти Мадридда - 13 март куни бўлиб ўтади.
