"Bavariya" bosh murabbiyi Tomas Tuxel keyingi o‘yinlarda jamoasining ijobiy natijalarini qaytarish niyatida. Bu haqda jurnalist Nikolo Skira xabar berdi.
Manbaga ko‘ra, murabbiyning o‘zi ishdan ketmoqchi emas. Nemis mutaxassisi myunxenliklarning uch o‘yindan iborat mag‘lubiyatli seriyasini yo‘qqa chiqara olishiga ishonmoqda. Tuxel “Leypsig”, “Frayburg” va “Lasio”ga qarshi navbatdagi o‘yinlarda g‘alaba qozonishni rejalashtirmoqda. Qayd etilishicha, "Bavariya" rahbariyati 50 yoshli germaniyalikning ishidan norozi, biroq unga so‘nggi imkoniyat beradi, chunki hozircha unga munosib o‘rinbosar yo‘q.
Tuxel o‘tgan yilning mart oyidan beri "Bavariya"ni boshqarib kelmoqda.
