"Бавария" бош мураббийи Томас Тухель кейинги ўйинларда жамоасининг ижобий натижаларини қайтариш ниятида. Бу ҳақда журналист Николо Скира хабар берди.

Манбага кўра, мураббийнинг ўзи ишдан кетмоқчи эмас. Немис мутахассиси мюнхенликларнинг уч ўйиндан иборат мағлубиятли сериясини йўққа чиқара олишига ишонмоқда. Тухель “Лейпциг”, “Фрайбург” ва “Лацио”га қарши навбатдаги ўйинларда ғалаба қозонишни режалаштирмоқда. Қайд этилишича, "Бавария" раҳбарияти 50 ёшли германияликнинг ишидан норози, бироқ унга сўнгги имконият беради, чунки ҳозирча унга муносиб ўринбосар йўқ.

Тухель ўтган йилнинг март ойидан бери "Бавария"ни бошқариб келмоқда.