Madridning “Real” klubi yarim himoyachisi Toni Kroos terma jamoaga qaytishini rasman e’lon qildi. Yarim himoyachi shu yozda bo‘lib o‘tadigan Yevropa chempionatida ishtirok etishi kutilmoqda.
“Mart oyida Germaniya terma jamoasida yana o‘ynayman. Nega? Chunki buni mendan bosh murabbiy talab qildi. Men bunga tayyorman va ishonchim komilki, Yevroda biz hozirda ko‘pchilik tasavvur qilganidan ham ko‘proq narsaga erisha olamiz”, — deb yozdi Kroos ijtimoiy tarmoqlarda.
Kroos joriy Ispaniya chempionatida bitta gol urdi va yettita golli uzatmani amalga oshirdi. Toni 2021 yildan beri terma jamoada o‘ynamaydi.
