Мадриднинг “Реал” клуби ярим ҳимоячиси Тони Кроос терма жамоага қайтишини расман эълон қилди. Ярим ҳимоячи шу ёзда бўлиб ўтадиган Европа чемпионатида иштирок этиши кутилмоқда.
“Март ойида Германия терма жамоасида яна ўйнайман. Нега? Чунки буни мендан бош мураббий талаб қилди. Мен бунга тайёрман ва ишончим комилки, Еврода биз ҳозирда кўпчилик тасаввур қилганидан ҳам кўпроқ нарсага эриша оламиз”, — деб ёзди Кроос ижтимоий тармоқларда.
Кроос жорий Испания чемпионатида битта гол урди ва еттита голли узатмани амалга оширди. Тони 2021 йилдан бери терма жамоада ўйнамайди.
