Braziliya terma jamoasi sobiq futbolchisi Dani Alvesning advokati Ines Gvardiola sud qarori ustidan apellyasiya berishini ma’lum qildi.

«Biz Sud hukmini baholaymiz, ammo shuni aytishim mumkinki, biz apellyasiya bermoqchimiz. Biz Alvesning aybsiz ekaniga ishonishda davom etamiz. Biz oxirigacha uni himoya qilamiz», – dedi Gvardiola.

Eslatib o‘tamiz, Barselona sudi 22 fevral kuni Alvesga 4,5 yillik qamoq jazosini tayinlash haqida qaror chiqardi. Dani 2022 yilning dekabr oyida Barselonadagi tungi klubda bir ayolni zo‘rlagan.

Shuningdek, Alves jabrlanuvchiga 150 ming yevro miqdorida kompensasiya to‘lab beradi.