Zamonaviy futbolni VARsiz tasavvur qilish qiyin, u maydondagi hakam sezmagan lahzalarni yuqori aniqlik bilan tuzatadi. Biroq agar shu tizim bo‘lmaganida, vaziyat qanaqa bo‘lardi?
Manchester World resursi tomonidan tuzilgan jadvalga ko‘ra, VAR aralashuvi tufayli "Nyukasl" boshqalarga qaraganda ko‘proq zarar ko‘rgan. Video ko‘rib chiqilmaydigan dunyoda Eddi Xau shogirdlari hozirdagi 37 ochkodan uch ochkoga ko‘p to‘plardi. Bu sakkizinchi emas, yettinchi o‘rin deganidir.
Maurisio Pochettino boshchiligida "Chelsi" eng muvaffaqiyatli mavsumni o‘tkazmayapti va hozirda 35 ochko bilan 10-o‘rinda bormoqda. Biroq, VAR aralashuvisiz “ko‘klar” hozirdagidan beshta kam ochkoga ega bo‘lardi va bir pog‘onaga tushib ketishardi.
"Manchester Yunayted" yangi yilda yaxshi formaga tushdi va agar VAR tizimi o‘z qarorlarini qayta ko‘rib chiqmaganida, ular yana bir ochkoga ega bo‘lardi. Erik ten Xag jamoasi oltinchi o‘rinda qoladi.
"Tottenxem" ikki ochko yo‘qotganiga qaramay, turnir jadvalida beshinchi o‘rinda qoladi, ammo "Aston Villa" to‘rtinchi o‘rinni egallaydi, ammo ikki ochko ko‘proq bo‘lardi.
«Arsenal»ga kelsak, ular baribir uchinchi bo‘lardi, lekin "Villa"dan olti ochkoga emas, uch ochkoga oldinda bo‘lardi.
Eng qiziqarli o‘zgarish APL yetakchilari o‘rtasida sodir bo‘lardi: "Liverpul" hozir "Manchester Siti"dan bir ochkoga oldinda, ammo VARsiz ashaddiy raqiblar 56 ochkoga ega bo‘lardi, chunki Klopp jamoasi bir ochkodan mahrum bo‘lardi.
VARsiz APL
1. «Liverpul» − 56 (-1)
2. «Manchester Siti» − 56 (0)
3. «Arsenal» − 54 (-1)
4. «Aston Villa» − 51 (+2)
5. «Tottenxem» − 45 (-2)
6. «Manchester Yunayted» − 45 (+1)
7 (+1). «Nyukasl» − 40 (+3)
8 (-1). «Brayton» − 38 (0)
9. «Vest Xem» − 36 (0)
10 (+1). «Vulverxempton» − 36 (+1)
11 (-1). «Chelsi» − 30 (-5)
12 (+1). «Bornmut» − 30 (+2)
13 (-1). «Fulxem» − 27 (-2)
14. «Brentford» − 25 (0)
15. «Kristal Pelas» −25 (0)
16. «Nottingem Forest» − 23 (-1)
17 (+1). «Luton» − 21 (+1)
18. «Everton» − 20 (0)
19. «Bernli» − 15 (+2)
20. «Sheffild Yunayted» − 12 (-1)
APL jadvali
