“Marsel” hujumchisi Pyer-Emerik Obameyang Yevropa ligasi pley-off bosqichi javob o‘yinida “Shaxtyor” ustidan qozonilgan g‘alaba (3:1) haqida fikr bildirdi.
“Bugun juda xursandman. O‘ylaymanki, o‘z uyimizda g‘alaba qozonish biz uchun muhim edi. Muxlislar juda qiyin vaziyatda ham kelganidan xursandmiz. Biz bugungi vazifani a’lo darajada bajardik. Bu hafta biz uchun juda muhim. Yakshanba kuni bizni yana bir o‘yin kutib turibdi - umid qilamanki, biz yana xuddi shunday o‘ynay olamiz", - deya Obameyangning so‘zlarini keltiradi UYEFA matbuot xizmati.
34 yoshli gabonlik futbolchi turnir tarixidagi eng yaxshi to‘purarga aylangani haqidagi ma’lumotlarga ham javob qaytardi.
“Bu ko‘p narsani anglatadi. Ushbu turnirda eng yaxshi to‘purar bo‘lganimdan juda xursandman. Umid qilamanki, men bu yerda to‘xtab qolmayman, lekin birinchi bo‘lib qolish uchun qayta-qayta gol urishim mumkin!", - dedi Obameyang.
